Sa campana

Su toccu 'e sa campana mi 'nde iskidat
in dies bellas giaras, o nieddas,
e forte che unu tronu, arreppeddas
in baddes, montigos e in su pianu.

Casi t'intendo puru de lontanu
sonende, dulche campana de 'idda mia!
A festa, a mortu, o pro s'Ave Maria
jughes s'antigu ballu 'e sos pastores,

chi allietàna cun cantos a tenores
sos momentos de una vida tribagliosa.
Che-i-su 'olu de un'allutta mariposa

tue diffundis custa simplice armonia,
chi dae monte inue ses collocada
fala a nois, che una femina aggratziada.

Emanuele Piras