Notte chi non mi lassas reposare
Totu piena de ispinas e dolore;
fintzas sa luna at perdiu su languore
chi ti faghet pianghere e suspirare

Ma s’amore non potzo disizare
Si in coro tenzo solu su rancore,
mandigo e ispudo fele e malumore
paret finidu su tempus de amare.

Curre pitzinnu e bive cantu podes
Curre a galoppu liberu e cuntentu
A coro in manu tra totu sos prodes

Sa vida nostra est solu unu sospiru
Ti lassat in betzesa patimentu
Tristu in su coro e lentu in su respiru.

E a solu ti la cantas sa cantzone
“sa vida est unu ingannu,un’illusione.

Roma su 5 de Cabudanni 2020