Mi parias Venere
bessida dae su mare
rea subra sa rocca.

Su bentu incrispiat sas undas
chi cun surdu fragore
culpian sos iscoglios.

Tue firma isettaias
sos ispruzzos de s'abba
carignosos in cara.

S'ispuma bianca, maseda
senza perunu briu
torraiat in segus.

Poi de nou sas undas
ripitian cun forza
s'eternu movimentu.

Tue rea e brunza
su mare asulu
s'ispuma bianca.

Su bentu salidu
chi brujaiat sa pedde
l'intendo ancora in ojos
e in laras.

2 de santaine 2008