S’ammentu chi brujat
de Vittorio Falchi


a Saveriu

Mi brujat s’ammentu de te
fizu amadu
chi pius no che ses
e m’assaccarrat de pena e tristura.

Ite frittu istasero!
M’acchero a sa ventana
e mi pinto in aeras
altas e brunzas
de atunzos bentosos
sas aes chi s’attruman
e tuccan e isparin
in orizontes tejanos de neula.

E resto solu
su disisperu in coro
boidu de afficos.
E mi timo chi benzan sas biddias
de sa notte niedda,
chi m’afferren
e m’imbolighen
cun cannaos chi gelan
sos ultimos
alenos tebios de vida.

19 de lampadas de su 2014

 

Mi brucia il ricordo di te, figlio amato che più non ci sei, e mi sovrasta di pene e tristezza.
Ma che freddo stasera! Mi affaccio alla finestra e mi raffiguro nel cielo grigio del ventoso autunno, alti gli uccelli che si radunano, e partono, e scompaiono in lontani orizzonti nebbiosi.
E rimango da solo con la disperazione nel cuore vuoto di speranze, nel timore che sopraggiungano e mi afferrino le brinate della notte nera, che mi avvolgano con legami che gelano gli ultimi tiepidi aliti di vita.

19 giugno 2014