| Sònnios
de poeta
di Giovanni Fiori
Lassàdemi un’iscutta sonniare
cun ojos de pitzinnu a lugh’ ‘e die…
Giaru s’ispiju 1
‘e sa luna che nie
sighit subra su chercu a gioghittare.
Su sole in fogu acchintat sas marinas
a s’interighinada attesu attesu
e in su chelu ‘e pappàile atzesu
lentas andan sas nues arantzinas. 2
In s’infinidu càlighe a ispantu
s’allùmmana guvaldas
3 mariposas
e bettan lughe lèbia in sas cosas
che ojos mannos ch’isguttan piantu;
e tott’in d’una s’acceran
fiores
subra sa terra calda posta in cria…
Remuzo ammentos in s’ànima mia,
aleno punghinosos fiamores
de tempos betzos rànchidos, licchittos
in-d un’andare longu, sempr’in duda… 4
Istinchiddan sos rios in sa uda, 5
sa frina ballat in sos tamarittos.
E in sa tanca piena ‘e saurra 6
torrat babbu seguru a passos lentos
e luego m’isparit in sos bentos
de s’ammentu, truvende s’ebba murra… 7
Restat pàsidu e forte su disizu
de sulcos semenados in sas tulas 8
fumende e trigos brundos e istulas 9
e arzolas cuntentas in Cheschizu; 10
restan binnennas a manos pienas
largas e giustas pro peleas 11
mannas…
Risulanu ispampàrriat 12sas
giannas
s’arcu paradu in sas baddes serenas…
Sonniare! Faeddos e isperas
s’allizan de s’isméntigu in s’umbraghe…
A sos fizos de seru 13
su runaghe
severu mustrat luntanas anderas…
Che vela disizosa in mesu mare
chischende asséliu 14
in s’unda inchieta,
cun ojos ispantados de poeta
lassàdemi un’iscutta sonniare…
____________________________
1 ispiju - qui,
spicchio.
2 arantzinas - color dell’arancia matura.
3 guvalda/s - qui, timida, timorosa.
4 duda - dubbio.
5 uda - falasco, biodo, erba palustre.
6 saurra - qui, la folta vegetazione (arbusti, frasche, erbacce) cresciuta
nei terreni incolti.
7 ebba murra - cavalla storna.
8 tula - aiuola; porzione di terreno arato, già pronto per
la semina.
9 istula - stoppia.
10 Cheschizu - toponimo in agro di Ittiri.
11 pelea - affanno, sofferenza.
12 ispàmparriat, ispamparriare – spalancare.
13 seru - giudizio, coscienza.
14 asséliu - quiete, calma, pace.
3° Premio al Città
di Ozieri, 1983 |
