S’illusione tua..
di Antonio Farina

S’illusione tua est troppu vana,
cherrer andare a fua sende toppu,
senza pensare abberrer s’istradone
deves istravacare a mala gana.

Apprende su consizu chi ti dana
e rifletti chi ses male faeddende
contr’a Farina, Cubeddu e Moretti,
ch’issos sun babbos e tue ses fizu;
su chi ti dan apprende su consizu
e rifletti chi ses male faeddende;
su chi ti dan su consizu apprende
e chi faeddende male ses rifletti
contr’a Farina, Cubeddu e Moretti
e pensa chi sas oras sun breves.

S’illusione tua est troppu vana,
cherrer andare a fua sende toppu;
s’illusione tua est vana troppu
senza pensare istradone l’abberrer;
essende toppu a fua andare cherrer,
troppu vana est sa tua illusione;
senza pensare abberrer istradone
troppu vana est s’illusione tua;
cherrer, essende toppu andare a fua,
a mala gana istravaccare deves.

Si cheres chi s’onore tou eleves
non ti fettes a tottu superiore,
nende chi ses su re de sos poetes
pro armas, pro coraggiu e pro poderes;
s’onore tou chi eleves si cheres
superiore a tottu no ti fettes
nende chi ses su re de sos poetes;
si cheres chi t’eleves su tou onore
non ti fettas a tottu superiore
ch’est a ti ponner troppu pesu a pala.

S’illusione tua est troppu vana
cherrer andare a fua sende toppu;
s’illusione tua est vana troppu
senza pensare istradone l’abberrer;
essende toppu a fua andare cherrer,
troppu vana est sa tua illusione;
senza pensare abberrer istradone
troppu vana est s’illusione tua;
cherrer, essende toppu, andare a fua,
deves istravaccare a gana mala.

Si ses cantende in pubblicu o in sala
pensa chi zente bi ad iscultende,
e cando ti presumis pius potente
non ses classificadu su chi crees;
s’in pubblicu cantende o in sala ses
pensa ch’iscultende bi at zente;
e cando ti presumis pius potente
pensa chi zente bi ad iscultende;
s’in pubblicu o sala ses cantende
ammentadi cun chie as de trattare.

S’illusione tua est troppu vana
cherrer andare a fua sende toppu;
s’illusione tua est vana troppu
senza pensare istradone l’abberrer;
essende toppu a fua andare cherrer,
troppu vana est sa tua illusione;
senza pensare abberrer istradone
troppu vana est s’illusione tua;
cherrer, essende toppu, andare a fua,
deves a mala gana istravaccare.

E ducas, tottu custu pro evitare
chi ponzas mente a sos mannos est giustu,
ca cando est su perigulu evidente
peris, si zegamente ti ch’imbucas;
pro evitare tottu custu, e ducas,
est giustu chi a sos mannos ponzes mente;
ca cando est su perigulu evidente
chi ponzas mente a sos mannos est giustu;
e ducas, pro evitare tottu custu
apprezzia sos consizos chi ti dana.

Ch’a s’omine non sun mai troppu;
cherrer andare a fua sende toppu
s’illusione tua est troppu vana.