S’Istella nostra
di Giovanna Maria Lai Dettori

(pro sa naschida de Miriam, sa prima netta)

In cambas de luna fisti drommida,
istella nida de raru lugore,
a domo nostra ses com’ accudida
pro incunzare proendas de amore.

Pasa sigura in bratzos de mama,
mai unu dannu devas patire,
e sos isettos chi tenes in brama
unu pro unu los potas sighire.

Ti riat benignu su enidore
in caminos de petalu ‘e rosa,
mai abojes un’upp’’e dolore,

ti siat sempre sa vida donosa,
a chent’annos t’imberriet disizos
umpar’a maridu, nebodes e fizos.

Jajos tuos