S'annu becciu e s’annu nou
de Irene Carta

S’annu becciu andau sind’est .
Senza festa e senza gloria.
Unu saccu d’apu prenu de doloris
e penzamentus,
serrau d’apu cussu saccu cun cadenas e luchettu.
e a mari is crais apu fuliau
Annu malu, annu cainu
Annu traitori non ti bantis
non m’as bintu.
Forti , sanu e cumbatente
s’annu nou s’est presentau.
Cun mexinas e vaccinus
po cumbatiri a su mali
Mascaredda, mascaredda
torradindi a carrasciali
Annu nou, po praxeri
torrami sa libertadi.