ROCA FUNESTA
di Salvatore Murgia

De cussa roca che l'an fatu rùere
s'isconsoladu martire Murenu!
Viles cainos: chi pro ordin'anzenu
l'an fatu s'esistenzia conclùere.

Ma si si corpus torradu est a prùere,
s'anima in chelu est in su regn'amenu,
e-i sa fama curret sena frenu
chi mai nemos no l'at a distruere.

Finas sa roca chi l'est monumentu,
poset distruer sa manu omicida,
ma non cancellat de issu s'ammentu.

Ca pro cantu su mundu at aer vida,
ue bi ferit sole e tirat bentu
sa 'oghe sua restat impremida.

Deo puru de laru una frunzita
deponzo in subra 'e cussa pedra frita.

(Macomer)