S’Americanu non nd’inzestat una
no est pius bonu mancu a fagher gherra.
Cun totu istat sempr’in cuntierra,
dae settant’annos non nd’inchet mancuna.

Nachi istat pro campare a sa dejuna,
lassat sa peta e leat sa chiterra.
Si màndigat de pane mesa perra,
cun foza ‘e figu e osseddos de pruna.

Tiu Nanneddu chent’annos at giompìdu,
cun sa muzere afestat s’aneddu,
ed est ancora unu campione.

Dae cand’est nadu ch’at sol’ingullidu
Nàstule rassa e petta de porcheddu,
fressuras de arveghe e de anzone.

E non li das rejone?
No at sutzadu mai, mancu pro brulla,
una meighina, ma sempre s’ampulla.

E compare Fanfulla?
Tatalliu, monzita cun cocoi
e nvece ‘e morrer prima est mortu apoi.

Sa vera via est goi:
mandighèmusu peta genuina,
cundida cun pastiglias de chentina.

E custa mastorzina,
chi sos americanos an preigadu
lassàmula a chie est ababaucadu.

Sempre ana mastigadu
Machìnes, slaw dogs cun peta ‘e puddu
mandighende a sa fichida in sos fast fuddu.

Naraìada cuddu:
“A onzunu s’arte sua e a bodalare,
ai cuddu logu si devet andare”1)

E pro bene serrare,
auguramus a minores e mannos,
“Mandigade porcheddu a sos chent’annos”.

1) Diciu antigu fàtzile a cumprèndere.

Risposta a Paolo Pulina con stima e affetto

L’americano non ne azzecca una,
non è più capace neanche a far la guerra.
Attacca guerra con tutti
e da settant’anni in qua non ne vince una.

Dici che per campare a lungo sta a dieta,
lascia la carne e suona la chitarra.
Mangia qualche pezzetto di pane,
Con foglie di fico e noccioli di susine.

Zio Giovannino ha compiuto cent’anni,
ha festeggiato le nozze di diamante
ed è ancora un campione.

Da quando è nato ha solo inghiottito
Capocollo grasso e carne di porcetto,
coratella di pecora e di agnello.

E vuoi dargli torto?
Non ha mai succhiato, neanche per scherzo,
una medicina, ma sempre la bottiglia.

E compare Fanfulla?
Frattaglie, lumachine e lumaconi
e, invece di morire prima è morto dopo.

Questa è la strada giusta:
mangiamo carne genuina,
condita coi prodotti di cantina.

E questi consigli strambi,
che suggeriscono gli americani,
lasciamoli a chi ha l’anello al naso.

Loro han sempre masticato
cretinate, slaw dogs con carne di pollo,
mangiando in piedi nei fast food.

Diceva il saggio:
“A ognuno il suo mestiere e per cosare
bisogna recarsi nel luogo indicato 1)”

E, per chiudere in bellezza,
auguriamo a piccoli e grandi:
“Mangiate porcetto fino a cent’anni”.

1) Saggio proverbio sardo facile da capire