Pro Mamma
de Pietro Cui

Su nomene de mamma non l’ignoro
C’a ignorare a mamma suni dannos
Sos annos mios como suni mannos
Ma su pesu ’e sos annos assaporo.

Ses tue mamma mia unu tesoro
Unica cara de biancos pannos
Ti giamo ancora oe a settant’annos
Ca tue m’as dadu anima e coro.

Cando appo a esser a s’ultimu respiru
Sa die chi pro mie benit s’ora
Appo a abaidare tottu ’ene in giru.

A tie mamma appo a bidere ancora
Ca mi faes de mie su retiru
Mamma cara ses s’unica aurora!

Iglesias, 13.12.2011