Olothene is giamada in su passadu
Ca de sa vadde sos volos tenias
De Marghine sas jannas aperias
A sa Barbagia e su Barigadu

Palai est su puntu rinomadu
Da umbe nues de chelu ninnias
Terra d’anticas zentes e zenias
Chi dae josso su bolu an leadu

Baddes Salighes locu de incantu
Chin sa terras de Tirsu e de Bardosu
T’incastonan che prenda in su padente

Cussos pianos incantas ridente
Cun fainas e faghere operosu
Ch’a tie dan onore e ti dan vantu

Jannarju 2017