Precadoria a sa morte
de Peppe Montesu

Dolos mortales in sa carre vinta
chi mi ligades a fritas cadenas
puntas amaras afannosas penas
vint’azes vois non fago prus finta
muto sa morte ch’est a festa tinta
dereta veni sucuta sas venas
arriba lestra veni pro favore
no mi lesses in brazzos de dolore

Si no m’intennes tue venzo jeo
non b’arreo in timoria aspetenne
dolos e penas ca a mie ses denne
pius non poto suportare creo
certu chi timorosu non bi arreo
a su chi faghes e mi ses faghenne
sa timoria e mente est gia finida
pius nudda mi ligata a sa vida

Veni rimuni custa mia ossera
de sa vida mi restat solu custu
veni lestra e cazati su gustu
no ti facas peruna cunsidera
non b’at istiu e ne primavera
no isco pius jeo it’est su giustu
derettu doga custu pistichinzu
de morta lutuosa pone pinzu

Aprile, 2015