Pobera Sardigna
di Giuseppe Concas

Mi paret deris manzanu
ma trint’annos già fià
sempre cun nostalgia
de che torrare a pianu pianu

ca fin custos costones
prenos de arbures a rigas
e cantigos de perdigas
e de ateros varios puzones

ma non mi sò connottu
comente prima fit cue
de lampos carchi nue
c’hat passadu e c’hat distruttu tottu

nudas roccas ebbia
e aera mezzana
e non pius cussa funtana
frisca che rosa cando passaia

pobera terra
carbonizzada da-e sos fogos
e fit peccadu custos logos
chi prima fin’ de fiores una serra

han colore cambiadu
goi si narat distruere
in chisina e in piuere
non pius giardinu coltivadu

a los biere nd’hamos dolu
piantas siccas chenza frutta
como ‘e terra che sunt sutta
e non nos dan’ pius cunsolu.

 

Statistiche sito,contatore visite, counter web invisibile
WOP!WEB Servizi per siti web. Contatori, statistiche, forum, sondaggi... GRATIS!