Diana essere solu jogos de paraulas.

PINTURAS

Pinturas in tramas pintadas
chin zuffos de tuddas porchinas
imprentas lassan che arvada
pinturas pintadas in tramas

Tramas de pinturas pintadas
dechidos intinos retratan
frorizzos in mente rebatan
lassan imprentas de arvadas

Su semene lestru rupidu
in birdes noadiles fozzas
averat in trigu cumpridu
pintura in tramas pintadas

Fozzas noadiles e birdes
rebatan in mente frorizzos
intinos de chentu giardinos
de rosas sa conca li chinches

In tramas de rosas pintadas
retratan sa terra e fadas
giardinu de chentu intinos
vida e mannos pisabios

In giardinu rosas e fadas
Mannedda drommiat galana
in bisos ilzomiat lana
tramas...de pinturas piantadas

Giuanne Chessa 16/04/2007