Pessamentos
de Vincenzo Pira

Appo connotu sa mùtria ‘e su tempus
mementos de presessia e perdissiones
triulau dae entos de traschia
chircande miràculu ‘e resone.

Ispozzau che a cando soe naschiu
e grae de amentos e illusiones
puntzurrau irfidande sa cussiessia
nostalgicu de anticas istajones.

Perdiu appo s’intentu in locu anzenu
istropiau dae iscaramentos irgrabaos
trist’ est su pessamentu e s’agonia
in s’istramànchiu po nos poder acatare.

Umbras chi ispartinant timinzu
e isperas de promintas novadoras
ca est iscrittu in dònnia destinu:
mancu sa morte est eterna.

________________________________
Pensieri

Ho conosciuto il silenzio del tempo/momenti di presenza e perdizioni
scosso da venti di tempesta / cercando il miracolo della ragione.
Spoglio come quando sono nato / appesantito da ricordi ed illusioni
provocato sfidando la coscienza / nostalgico di antiche stagioni.
Perso ho l’intento in terre altrui / ferito da richiami sgarbati
triste è il pensiero e l’agonia / nel richiamo per poterci ritrovare.
Ombre che spargono paure / e attesa di promesse annunciatrici
ché è scritto in ogni destino: / neanche la morte è eterna.