PERDONADEMI

Amigos perdonademi s’azzardu
no est faìna mia m’est profanu,
ca deo sende naschida in Milanu
no m’est fazile faeddare sardu.

Babbu ch’est de passenzia galiardu
bene m’hat imparadu s’isolanu,
pro iscrier in sardu calchi branu
senz’offender su meu ch’est lombardu.

Mi so innamorada ite manìa,
penas nde so suffrende l’ischit Deu,
tant’istìmo Sardigna e Lombardia.

Milanu perdona s’estru fariseu,
ma si custrint’a seberare fia
preferzo s’isola de babbu meu!

Lorenza Chessa