Pensamentos
di Gigi Piu

Pensamentos, proite vagabundos
Andades e torrades cun sos bentos?
Forzis sezis chirchende ateros mundos
Pienos de recreos e cuntentos;

Deo bos bido caros pensamentos,
che ispruma in s’iscogliu, moribundos
cumbattinde cun mostros iracundos
chi causan dolores e turmentos;

Bocchin sena motivu a samben frittu,
luscos, pienos de barbaridade,
mentes crudeles, coros de granitu;

Oh! pensamentos serenos torrade
In sinu meu, ch’est su ’ostru abbìtu,
Dademi noas de serenidade.-

Magumadas su 4-09-2004