Pastores
de Vincenzo Pira

Capidanni. Tempus de tramudare.
Moffen, su tazzu lentu, sos pastores
andande in chirca de menzus laores
dae sos artos montes a mare.

Sentimentos e cantos a s‘andare
Azuan a irmenticare sos dolores
Isperanzas, ammentos e valores
Acumpanzan su disuzzu e su precare.

Dae innedda ammento custa zente
Lamentos de lontananza chin’amore
Che esules chi biven tristemente.

Cantu dolet s’ammentu in malumore
de su nostalgicu ponner a mente
de Sardigna su prus bellu viore.