So naschidu
in una idda
de poetas !!
Sutta su casteddu,
finzas’a pes de mare,
bellos versos
sighin’a falare
che abba frisca
dae funtana.
In donzi tempus
semper mentovada
pro s’art’e sa poesia,
chin sa rima
incanta’s’anima,
Pasada.
So naschidu
in una idda
de poetas !!
Utturos fruridos
in s’istiu…
e cussu entu
chi sighid’a battire lestru
paraulas lepias,
ateros versos !!
Mertzioro Dore,
Istanislau Ruiu,
tottu su ch’han lassadu
sos mannos d’eris,
un’iscol’aberta,
unu fraile…
So naschidu
in una idda
de poetas !!