Ant seperadu a mesu ‘e sant’Andria
su die pro semenare su terrore,
ma non podent custringhere s’amore
a abbandonare s’umana genia.

Est gherra de ostinada tirannia,
de credo tzegu e falsu disonore,
est ira contra sa pregadoria
chi giamat soberanu, altu Segnore
su Deus chi at dadu Cristos a Maria.

Deo so miscredente ma cheria
si m’esseret possibile un’istante,
implorare sa sorte chi bastante
m’at dadu auras malas e allegria

de connoscher sa paghe in su restante
mundu chi patit gana e tribulia,
in logos de malefica ingannia
armada dae ricchesa dominante.

Onzunu fettat giusta orascione,
e segundu s’idea sigat sa via
de s’amistade, e peset donzi cria
libera dae bigottismu ‘e religione.