Paraulas fuidas
de Antonio Sannia

Paraulas fuidas,
tessin cun s'arcu 'e chelu,
diligas frinas chi luego fuen,
a sas laras froridas,
de ganas e d'anelu,
cando a s'iscuru de s'arcanu suen,
colostras de lentore,
chi de su primu frore,
regollen cussos petalos chi ruen,
a terra in chirca 'e pasu,
furande a cussas laras unu 'asu

Sentidos soberanos,
s'animu como inserrat,
in padentes de dudas e traschia;
paren friscos beranos,
chi su pettus cuerrat,
cun siccagnas ch'istraman s'armonia,
de telas coloridas,
burdas e impressidas,
chi si mustran cun rara balentia.
In carrelas de sida,
ch'inserran sos disizos de sa vida.

Su murmuttu 'e su coro,
mustrat cussos ammentos,
de accisu carralzan donzi brama
cuada po decoro;
Chentales, luna e bentos,
leande da' su chelu àttera trama,
ligan intro 'e sos bisos,
cun basos e pilisos,
animu 'e carre in d'una sola bama,
po tenner prus sabore,
e cumpreder cal'est su veru amore.

Ma s'anima abbramida,
lassat 'onzi reselu,
bolat in mesu 'e àlas de disizos;
meraviza 'e sa vida,
de sa carre est s' anelu,
finas ch'addurat candidu che lizos.

Parole sfuggite

Parole che son sfuggite,
tesson con l'arcobaleno,
fragili brezze che subito van via,
alle labbra fiorite,
di desideri e aneliti,
quando al buio dell'arcano succhiano,
colostro di rugiada,
che del primo fiore,
raccolgono quei petali che cadono
a terra, per cercare riposo,
mentre rubano a quelle labbra un bacio.

Sentimenti sovrani,
l'animo racchiude,
in boschi di incertezze e di burrasche;
sembran delle fresche primavere,
che il petto nasconde,
con siccità che sfibrano l'armonia,
di tele colorate,
false e frettolose,
che si mostrano con rara valentia.
In strade di foglie e fronde,
che racchiudono i desideri della vita.

Il mormorio del cuore,
mostra quei ricordi,
che di incanto coprono ogni brama
nascosta per decoro.
Costellazioni, luna e vento,
nel prendere dal cielo un' altra trama,
legano dentro i sogni,
con baci e bisbiglii,
l'animo e la carne in un solo gregge.
Per gustarne il sapore,
e capire qual'è il vero amore.

Ma l'anima ingorda,
lascia ogni timore,
e vola nelle ali dei desideri;
meraviglia della vita,
è l'anelito della carne,
finchè resta candido come i gigli.

Seconda classificata al VII Concorso Regionale di Poesia "Peppino Mereu - pro custa terra rosas e beranos" Sezione rima - Tonara 18 ottobre 2015