Orune
di Pietro Cosseddu

Dae sa greca peraula, Oros
su numen tou, Orune, est diventadu,
chi cheret narrer: sublime muntagna.

Ses ricca de siendas e tesoros
e tras sa biddas de su ighinadu,
no bi este uguale sa cumpagna

Piena de umbraghes sa campagna
e de Domos de Janas e nuraghes
de Tumbas de zigantes e funtanas
de fauna e de flora zona amena.

Sa campagna de umbraghes piena
e de Domos de Janas e nuraghes
sa campagna piena de umbraghes
e de nuraghes e Domos de Janas
de tumbas de zigantes e funtanas
zona amena de fauna e de flora.