Oriolu
de Peppe Montesu

Oriolu chi alas ti pones
volas in baddes, montes e marinas
leppiu prus de abbas attonzinas
intras in coro apperinne disizzos
sos pensamentos mios ti sun fizzos
tottu in sa mente mia los cumpones.

Mi garrigas d’isperas coloridas
las profumas d’armidda e de lidone
mai tue bi sighis sa rejone
volas aladu in sidas e laros
sognos ischidas e disizzos raros
de sas edades bellas fioridas.

Venis a banne e sero e lenu lenu
pare chi dasas nues ses falenne
sos ammentos chi istas carignenne
s’isparghene che neula in su monte
venis de palas e ti pones de fronte
prontu a mi succuttare d’onzi alenu

Tanno sos dolos mios e turmentos
leas suaves e los pones a banna
e che zeffiru chi moghet sa canna
los pones tottu in ninnolu e oblios
sonas de aes canticos e cios
torranne a bonu sos malos intentos.

Lizzeri su penseri ista volenne
cun s’anima affanada paris volan
tra nues e isteddos paris colan
aspettanne su corp’assettiadu
Chi pesante arreata ammudadu
A tie oriolu abbadienne.

Trigulas 2014