Oramái ‘eranu

Primadíu a impuddiles
in laras assazo
su calor’‘e su sole
e in ójos goso
isettadas
alas niéddas
a su ‘olu nóu.

Pessamentosu passizo serente
a sos muros chena contu
dei sas lácanas mias
cresuradas
e in sa frina ‘eranile
disizo orizontes
de campuras a trigu
indeoradas.

Nuscos noáles chirco
de amenta e de viòlas
e a s’iscuru de nottes
de pelèas,
istraccu, sa oza e s’ingárrigu lasso
de cumprender s’isettu
de s’istíu, sa fadiga
de amare, su cunfortu
lastimosu a su suffrire.

De fumentos de amenta so in chirca
e de friscos alentos de viòlas
e in cust’avréschida
chi de sa notte trazat
galu sentore
ando pedende
contravvelenu a su dolore.

Apo gana de fiòres.

ANTONEDDU BAZZU

=================

Ormai primavera
Precoce dell’alba / sulle labbra assaporo / il calore del sole / e negli occhi rallegro / aspettate / ali nere /
al nuovo volo. / Pensieroso passeggio rasente / all’infinita barriera / dei miei chiusi / confini / e nella brezza primaverile /
anelo orizzonti / di campi di grano / dorati. / Novelle fragranze ricerco / di menta e di viole / e allo scuro di notti /
dolenti, / stanco, la voglia e il compito lascio / di capire l’attesa / dell’estate, la fatica / dell’amare, il pietoso /
conforto al soffrire. / Ricerco profumi di menta / e fresco respiro di viole / e in quest’alba / che della notte trascina /
ancora il sentore / vado elemosinando / antidoti al dolore. / Ho voglia di viole.