Nues faineras
Salvatore Murgia

O nues atunzinas vagabundas
in su 'ostru passizu a ue andades?
Sas abbas chi piscades dae sas undas
proite torra inie ch'imbolades?

Betadelas in terra, e sas profundas
feridas de s'istiu li curades,
e de pranos, de 'addes, montes, rundas,
sas chisinas e lutos samunades.

Da totu sa brutura chi la chinghet,
solu 'ois salvare la podides
sa terra, piscand'abba dae mare.

Ma faineras in su 'ostru andare
ue che ruet s'abba no ischides
ca su 'entu a dogn'ala bos ispinghet.

(Macomer)

 

Statistiche sito,contatore visite, counter web invisibile
WOP!WEB Servizi per siti web. Contatori, statistiche, forum, sondaggi... GRATIS!