Notte
di Franco Maccioni

Notte non ti c’andes!
Addura unu momentu
po’ piaghere,
a mi faghere cumpagnia
proprìu oe
chi soe pensamentosu!
Sos pensamentos
curren a largu
inue ateras nottes,
divressas, insambenana
sas istellas tuas.
Notte non ti c’andes,
addura pò piaghere
unu momentu,
chelzo sa cumpagnia tua
po’ m’allenare
dae custu pistighinzu.
Notte non ti c’andes,
non inserres in falzos bigliettes
s’isperantzia de s’omine
ancora presoneri
de sa “lughe”sua”!
Isettamos umpare
un’atera “lughe”divressa
chi ancora devet arrivare
po’ chi su notte siet un’afranzu
e sa s’istellas
lambrigas de lentore!

Poesia 2^ classificata al 3° Concorso Letterario in lingua italiana e sarda “Poesie di solidarietà…per ricordare Tiziana” – 1° giugno 2007 a Guspini (ca)