| Nott’e
Bardàna
In custa nott’e bardàna
schintiddiant is ferros
de cuaddos impressios
in is moris de padentes mudas.
A cuaddu de alas de bentu,
geo puru ‘olìa fare razzias.
Bolìa furàre
de sa mesa appariciàda ‘e chelu
un isteddigheddu ‘e lughe
po ddu ‘onàre a unu pipìu solu,
iscavulàu, de bianca e pedde niedda
chi lambrigat
ispibionando oras de isperanzia.
Bolìa furàre
unu carinniu a sa luna
po ddu ‘onàre a unu becciu
imentigàu de sa soziedàde
ca no podet camminare.
In donnia surcu cofùdu,
iscusorgiu de s’amentu
chistit un’istoria antiga
e tenet gana de contare:
poite nu ddu depeus iscurtare?
Bolìa furàre
de-a su Babbu Mannu,
una cosa bella e rara:
su pedronu, po ddu ‘onàre
a chie bividi in s’odiu
ca no ischit perdonare!
Bolìa furàre
s’abba de su mare
po istudàre donnia fogu
de custa terra chi sighit abbruxare!
Custas manos nuas, impotentes,
cantu cosas iant a bolle’ furàre
po cambiàre custu mundu
chi sighit a gherràre! |
Notte di scorrerie
In questa notte di scorrerie
scintillano i ferri
di cavalli lesti
nei sentieri di montagne mute.
A cavallo delle ali del vento,
anch’io vorrei fare razzie.
Vorrei rubare
dalla tavola imbandita del cielo
una stellina di luce
per regalarla ad un bambino solo,
abbandonato, di pelle bianca e nera
che lacrima
centellinando ore di speranza.
Vorrei rubare
una carezza alla luna
per regalarla ad un vecchio
emarginato dalla società
perché non può camminare.
In ogni ruga profonda,
scrigno dei ricordi
suggella una storia antica
che ha voglia di raccontare:
perché non lo si deve ascoltare?
Vorrei rubare
dal Grande Babbo,
una cosa bella e rara:
il perdono, per regalarlo
a chi vive nell’odio
perché non sa perdonare!
Vorrei rubare
l’acqua del mare
per spegnere tutti i fuochi
di questa terra che continua a bruciare!
Queste mani nude, impotenti,
quante cose vorrebbero rubare
per cambiare questo mondo
che continua a guerreggiare!
|
