Non los sigas, o morte! Son fuinde
da' umb'est in chisina donzi bene.
Non los sigas! Attesu ti mantène,
da' sos chi pane e paghe son pedinde.

Ti ses chin poverittos dìvertinde
ca fatzile a los bincher est pro tene,
assotziada a cussos chi ti crène
zusta pro sos chi tortos son subbinde.

Lassa ch'atzapen lughe! Chi resessan
a bider un'avvrèschid''e amore
in sos frades chi populan sa terra.

Paghe chi pro sa vida 'ìncan sa gherra
ponzèndedi 'e travessu a su terrore
de sos ch`impùros su male professan.

1º Classificato Sezione Sonetto - Cuncursu de poesia "Peppinu Mereu 2015"