Non chelzo…

Non cherzo alas chi mi fetan bolare
e ne richesas chi pota isbaìre,
mancu de eroe sonnio s’ardire,
non mi servit podere a cumandare

e ne armas pro mi fagher timire,
vitorias de mi poder bantare,
segretos chi non pota cunfidare,
o benes chi acùa deva medire.

No apo e non mi tentan sas bellesas
chi pota che virtùdes presentare.
No apo ’e totu custu sas pretesas,

mi bastat cantu m’At dadu e possedo,
ch’est pius de cantu pota fentomare.
Nudd’ateru pretendo, chelzo o pedo.

Franco Piga (Romana ‘SS’)
maju 2006

 

Statistiche sito,contatore visite, counter web invisibile
WOP!WEB Servizi per siti web. Contatori, statistiche, forum, sondaggi... GRATIS!