Muttos noos de cab'e susu

  Intro’e unu ruarzu
b’at unu fiore
chi ammiro ispantadu.
Intro’e unu rurzu.
Ti che l’as gastadu,
cussu tou onore,
che miseru paddarzu.

Sa rocca de Coronas
bundat unu trainu
de abba Carentina.

Sa rocca de Coronas
non samunat birgonzas
cuguttadas de destinu
de sa mia ’ighina.

Como a catz’abberta
besso chena fusile
aggalia no mi fuas.

Como a catz’abberta
sun menzus sorres tuas;
dae su bisonzile
bistade a sa lerta.

Cristoforo Puddu