Poeta in lingua sarda
Cristoforo Puddu
Autore della poesia “Mutos de fele.2”
Vai al profilo del poeta
Poesia in lingua sarda
Mutos de fele.2
In mizas de pabilos
iscritu b'an doveres
pro su fiore pistu.
In mizas de pabilos...
Diritos chentz'achistu
daen sos guvernantes
chi nos tiran sos filos.
Rocas cun sa marina
benin como fraigadas
pro su ricu padronu.
Rocas cun sa marina…
Las cherimus che prima
líbberas e pulidas...
ca sa natura est donu!
Ischimus totu cantos
chi su meda zimentu
abbréviat sa vida.
Ischimus totu cantos...
Ch'isfidas e marranos,
umpare abba e bentu
nos faghen s'atrivida.
Sos buscos e pasturas
an bisonzu de traballu
e de meda rispetu.
Sos buscos e pasturas...
Solu pro imposturas
semus sempre in fallu
e lis faghimus dispetu.