Moda pro Santu Antoni de Padova

Moda pro Santu Antoni de Padova
de Serafine Putzolu

Cantada in Ardaule (Amentos de Festa)

Sos Portoghesos sian fattu onore
Pedru primu cun Pedru segundu
Vascu e Gama e Fernandu Magellanu
Tra iscopertas e fattos de gherra
Perô su menzus onore a su mundu
Antoni Portoghesu e Padovanu
Lassada in battros partes de sa terra
Prus forte a Rese a tantos Generales

In Lisbona à tentu sos natales
S’annu noranta chimbe milli e chentu
E Buglioni e Tevera affettu mannu
Tenen pro custu fizzu predilettu
S’istrada e Franciscanos in cunsizzu
Li dan che babbu onu e mamma ona
Sos natales tentu ada in Lisbona
S’annu noranta chimbe milli e chentu
In Lisbona sos natale à tentu
Su noranta chimbe milli e chentu s’annu
E Buglioni e Tevera affettu mannu
Tenen pro custu fizzu predilettu
E Buglioni e Tevera mannu affettu
Tenen pro custu predilettu fizzu
S’istrada e Franciscanos in cunsizzu
Che babbu onu e mamma li dana
A mannu sa dottrina Cristiana
Insegna foras e intro e sa corte

Pro su babbu a tortu imputadu e morte
In Campusantu faedda su mortu
E pro su Tribunale à fatt’ispantu
Ca trionfa su bene dae su male
Finzas tantos testardos chi non crene
L’ana in cellas oscuras invocadu
Pro su babbu a tortu de morte imputadu
In Campusantu faedda su mortu
Pro su babbu de morte imputadu a tortu
Faedda su mortu in Campusantu
E pro su Tribunale à fatt’ispantu
Ca trionfa su bene dae su male
E fatt’ispantu à pro su Tribunale
Ca de su male trionfa su bene
Finzas tantos testardos chi non crene
L’ana invocadu in cellas oscuras
C’à tanta zente perdida procuras
Cunfortu in mesu e penas e piantos

Sos Portoghesos sian fattu onore
Predu primu cun Pedru segundu
Vascu e Gama e Fernandu Magellanu
Tra iscopertas e fattos de gherra
Perô su menzus onore a su mundu
Antoni Portoghesu Padovanu
Lassada in battros partes de sa terra
Prus forte e rese e Generales tantos

Mortu in Padova és su Ré e sos Santos
Cun Sacramentos de veru cunfortu
S’annu trintunu su milli e dughentos
Pigada eternu a S’Altare Celeste
Mortu in Padova su Ré e sos Santos este
Cun Sacramentos de veru cunfortu
Su Ré e sos Santos in Padova es mortu
Cun cunfortu e cun veros Sacramentos
S’annu trintunu su milli e dughentos
Pigada eternu a sa Celeste Altare
Antoni custa dimora de aggiudare
Potas pro sos presentes e de fora
Antoni aggiudare custa dimora
Potas pro sos de fora e sos presentes
De tottu sos anzenos continentes
Torre sanu in fortuna ogn’emigradu
Azzua Oberaia e comittadu
E sos chi custa festa an bene fattu
Sa gioventude su caminu adattu
Tenzana cun neccesarios e salude
Su caminu adattu sa gioventude
Tenzana cun salude e neccesarios
Sos anzianos tottus centenarios
Imbezzene senza penas ne affannos
Ca tue Antoni li dasa assistenzia
Cancellas annadas malas e piantos
E custa zente in paghe totugantos
Ti fettan custa festa medas annos
E bona notte e bona Permanenzia

Ardaule 13/Lampadas 2003