Messàiu furuncu
de Sandro Chiappori

Cun d'una soga
su 'entu de cibixia
nd'as acciappau
e in d'una cresura 'e su sartu
dd'as accappiau.
T'iant a nai:
messaiu furuncu!
Ma no ti nd'incuras
est un'ierru de cibixia
chi no nci 'ollit passai.
Meri de terras aspriadas
as fintzas furau a su celu
araxis de unu beranu
fragus de trigu cabudraxu
e cun fueddus de meli
as imbusticau
una notti 'e beranu
poita iscrutzessit
custa notti mala de ierru.

Comenti 'olìasta tui
camminas prexau
castiendi immoi su sartu …
e ant a nai:
messaiu furuncu!
Ma tenis nottesta sa notti
de su beranu chi 'oliasta
e chi tenit sabori
de bellu suspi-suspi
de panixeddu 'e narbedda
poita t'indurcit
comenti disigiasta
una vida de milli tribulias.

Con una fune/il vento gelido/hai catturato/e al recinto del tuo podere/l'hai legato./Ti direbbero:/contadino ladro!/Ma non ti importa:/è un inverno gelido/che non ci vuole passare./Padrone di esasperate terre/hai anche rubato al cielo/brezze di una primavera/profumi di grano precoce/e con parole di miele/hai imbrogliato/una notte di primavera/perché scalzasse/questa notte austera d'inverno./Come volevi tu/cammini contento/guardando ora il tuo podere …/ e diranno:/contadino ladro!/Ma hai la notte stanotte/della primavera che volevi/e che ha il sapore/ di succoso nettare/di dolce frutto di malva/perché ti addolcisca/come desideravi/una vita di mille affanni.

Menzione d'onore al Premio Quartucciu 2011