Mama
de Antonio Maria Masia

(sonetto e quartina per la dolorosa fine di mia madre)

Su t’ider gai, Mama, ite dolore
pro cussa fine fea e lastimosa,
bellos sunt sos rattos in fiore
ma cando b'est s'ispin’est mala cosa,

coment'istare solu chen’amore
priv''e consolu, perdida s'isposa,
o antiga columba chen’ardore,
unu tempus lezera e grasciosa.

Santa Maria sa Mama 'e Deus
unu regalu faghemi ti prego:
ne dolimas ne pena a Mama mia

si podes dali dulche un'aninnia,
e pro cantu campo a Tie non mi nego
si m'accansas, o Santa, su grangeu.

_______________________

Andada ti che sese, Mama mia
edd'est dolu sa tua luntanantzia
sa dulche funtan''e abbundantzia
abba frisca non dat ne allegria.