Mai ti lasso
de Pietro Cui

A pobidda mia Lughia
Tertzinas

I

Mai Ti abbandono prenda mia
mancari etza e chi diventes fea
T’ammiro che cando fis in giovania.

Tando fis cantu una dea
e tottu mi as dadu anima e coro
m’as cumpresu e agiuadu in dogn’idea.

M’as appretzadu pius de s’oro
in tantas oras de felicidade
o tristura passadas culpa insoro.

De cuddos ch’in custa umanidade
andan continu poninde velenu
ei su frade bocchinde su frade.

Nois invece de su fele anzenu
amos lassadu perdere e passare
cun s’affettu placidu e serenu.

Po cussu non Ti potto abbandonare
ca fis bona sincera e astuta
continu che a prima T’app’amare.

Ca si solu mi mancas un’iscuta
est troppu su meu disisperu
finas a esser de sa terra suta.

Ses pius de un’istadu e un’imperu
s’affettu chi Tue mi as dadu
non potto esser che boia severu.

Si puru su divortziu an bogadu
deo T’istimo che in pitzinnia
si puru barantott’annos at passadu.

Cando sa die po sa prima ia
m’as dadu cuddu asu affettuosu
chi mai ismentigare non podia.

E cando mortu in s’eternu riposu
chi at a benner de morrer sa die
finas tando app’a esser orgogliosu.

Si sa morte che leat prim’a mie
a Tie accanta pottan seppellire
chi finas impare semus inie.

II

Finida custa vida de suffrire
appaghende in parte su chi disizas
ma non podinde casteddos costruire.

A su mundu as dadu battor fizas
e tottar battero sun coiadas
nara de ite ateru ti fastizas.

Chi semper affettuosas sun’istadas
e oe lu potto narrer pius de prima
sun de sos fizos insoro coronadas.

Sighende cun sa propria istima!

Dae Pietro Maridu Tou

Iglesias, 23.02.2016