Puite galu como mi turmentas
Lassannemi su coro in tristura
No ischis chi est una sorte dura
A vivere si tue no m’issettas.

Como torras a m’aperrere sa erta
Ca isto de continuu in pessamentu
Isperanne so d’onzi mamentu
De torrare induna data zerta.

Si tue mi cheres puite no mi donas
Unu motivu de sichire a battagliare
Si b’at un’isperanzia ‘e t’accattare
Conto sos annos, sos meses e sas oras.

Ma si pro tene so già fastidiosu
E a un atter’ amore ti ses dada
Lass’ istare cust’anima dannada
Chi accattet sa pach’ e su reposu.