LITTERA DE AMORE

Ben arribada in d’una cascittedda,
una littera etza ap’agatadu,
messaggiu durche de un ‘innamoradu,
su primu amore ‘ e cando fio ajanedda.

-Eo solo t’ap’a essere maridu...
tue sola ses sa gioia de sa vida-
ma chenza cominzare fit finida,
proite militare fit partidu...

Durche cantone de sa pitzinnia,
siddadu sizigliadu intro su coro,
o sonniu eternu de sa vida mia!

Segretu antigu ses, prenda de oro,
peraulas durches che una melodia,
che carignos de ‘entu, bos adoro !

Oe ses torrada, o littera de amore....
torrada sese, pro mi cunfortare.
____________________________

GIUSEPPINA SCHIRRU
NATA A LA MADDALENA
RESIDENTE SASSARI