ISTASONES DE SA VIDA

Naschida:
A su mundu t'affazzas'impauridu
Imbucande derettu sa ficcada
Ignaru de sa sorte chi t'est toccada
Unu caminu de ostaculos cundidu.

Infanzia:
Onzi die cresches a sa sola
Dimandandodi su pro e custa vida
Leande ogni cosa pro un'isfida
E chircande rispostas in iscola.

Gioventude:
S'infanzia ch'est passada a bolu
Chi non ti'nde ses manc'abizzadu
Cun muzzere e fizzos ligadu
In su trabagliu zappas consolu.

Anzianidade:
De sos annos has perdidu su contu
E ti zappas bezzu e sufferente
Isettande, su trapassu iminente
Ca sa vida est zunta a su tramontu.

Deligia Salvatore (Su Paulesu)