Innui ap’a iscriri
di Sandro Chiappori

Biteimindi undas
biaitas mancai scaboriadas
ma biteimindeddas
in s'or"e mari
comente follus arvus
e biteimindi sulitus
de milli arregordus
e arrastus de obrescidroxus
chi in tempus de giovunesa
sèmpiri fiant nous
e sèmpiri fiant arrisulanus.
Duncas naraimì innui
innui ap'a iscriri
su torraboxi 'e su 'entu
chi cantat ancora
sa 'oxi mia
allirga de candu femu pipiu.
Naraimì innui
poita crasi
forsis ap'essi torra salidùmini
indiscia de sa vida mia
chi sèmpiri oi mudar
a degna muida de unda.
Ma innui
innui ap'a iscriri crasi
s'axiu miu
is isperas mias
immoi chi àterus follus
arvus che ispruma de unda
sunt isparèssius
ingui a làcana 'e su mari?

Terzo Premio ex aequo versi sciolti al Premio di Letteratura Sarda “Seunis – Thiesi 2009”