Siligo ses s’incantu de sa natura
Pretziosu gioiellu de Logudoro
Pro sas riccas virtudes chi hasa in coro
Deus impignadu si est cun cura.

De fizos tuos, talent e bravura
Cun su profundu sentimentu issoro
Incoronadu ti han cun franzas d’oro
Mama Reina de sa Sarda cultura.

E de Gavinu su versu profundu
E de Maria sa oghe sonora
A tie hada resu onor’e fama.

Immortaladu in tottu su mundu
Hana cantadu e sun cantende ancora
De ogni coro sardu orgogliu e brama.

(Olanda)