Illacanande
di Antonio Brundu

(a sos ojos et a sa conca mea)

Illacana, bolende, oriolu,
Chirchende pasu in carchi padente
Pintadu de ispantu et cossolu,
Ue naschis et moris de repente.

Mi juches, si t'inserras, a s'ismolu,
Ma si ti fues mi bido comente
Cando s'iscazat s'astragu in bolu
Et una nue fraigat caente.

Non bos tanchedas ojos: si podides
Illacanade dae custa serra,
Anneu istutende et tristura;

In baddes, isorvide, de friscura,
Sos pessamentos chi mi ponen gherra,
Lompend' a secus de su chi bidides.