Fortuna
de Giangavino Vasco

Terra mia adorada,
ube sos passos mios
so da ora isterrinde in custa vida;
ses de lughe aundada
e cun bundantes rios
mustras donz’ ‘adde frisca e colorida.
Nàrami si l’as bida
colande sa fortuna,
fortzis faghinde die,
o a ora ‘e merie,
oppuru calchi notte, a lugh’ ‘e luna.
Nachi mi fit chircande;
cherio ischire a ube ch’est andande.

A pagu trettu ancora
dêt esser de siguru,
s’est innoghe no est tzertu po casu.
Benzat issa in bonora,
e su tempus venturu
mi lasset cun su coro appena in pasu.
M’at promissu unu ‘asu,
de sos chi issa ebbia
podet donare a chie
nd’at bisonzu, e a mie
l’ischit ite mi mancat e cheria,
po poder abbarrare
innoghe, terra mia, a t’ammirare.

Inube ses fortuna?
So da ora isettande
chi cun megus ti frimmes un’iscutta.
Non b’at cosa peruna
chi sia disizande
pïus de viver pàsida una mutta.
Ma cun s’ànima assutta
mi lassas e che ‘olas
chentza ti nd’appenare.
E cando as a torrare,
s’ancora in custos trettos lestra colas,
si mi ‘ettas sa ‘oghe
fortzis no ap’a esser prus innoghe.

E tzega bagamundas in sa terra
semenande consolu,
po lassar’ ‘e s’ispera unu rizolu.

Fortuna

Terra mia adorata,
dove i miei passi
da tempo stendo in questa vita;
sei inondata di luce
e con rigogliosi torrenti
mostri ogni valle fresca e colorata.
Dimmi se l’hai vista
passare la fortuna,
forse alle luci dell’alba,
o al meriggio,
oppure qualche notte, alla luce della luna.
Dicono che mi cercava;
vorrei sapere dove sta andando.

Ancora vicina
è sicuramente,
se è qui non è certo per caso.
Venga con buoni auspici,
e il tempo che verrà
mi lasci riposare un po’ il cuore.
Mi ha promesso un bacio,
di quelli che solo lei
può regalare a chi
ne ha bisogno, e a me
sa cosa mi manca e vorrei,
per poter rimanere
qui, o terra mia, ad ammirarti.

Dove sei fortuna?
È da tanto che aspetto
che ti fermi un momento con me.
Non c’è nient’altro
che io desideri
più di vivere un periodo sereno.
Ma con l’anima inaridita
mi lasci e voli via
senza impietosirti.
E quando tornerai,
se ancora veloce passerai da queste parti,
se mi chiamerai
forse non sarò più qui.

E cieca girovaghi sulla terra
seminando conforto,
per lasciare un rivolo di speranza.

 

1° Premio alla 1^Edizione del “Prémiu ‘e Poesia Sarda Santu Portolu” – SILANUS 29 novembre 2015