Cleopatra a Torpè l’at visitada
e non fit de s’Egittu sa reina,
at batidu pro totus sa ruina,
prena ‘e abba e ludu l’at lassada.

Sa zente, dae domo zagarada,
es che arbure chena raighina,
pinnigada la zughede s’ischina,
ma, a sa morte, no es rassignada.

Che sun pèrdidos biculos de vida,
carruzados dae sa mala sorte,
sunu vivinde in penas e fastizos.

M’an s’ispera chi, cras, nessi sos fizos,
cun animu e cun coro sempre forte,
bìana custa ‘idda rinaschìda.

Poesia premiata con la Segnalazione a Torpè 2014