Féminas de Olympos
de Cristoforo Puddu

Sas féminas de Olympos
an unu mundhu mannu
cantu una ‘idha ‘entosa
e sun meres de domos arrocarzadas
in costeras chentza pius Deos.
Bestidas de misteriu antigu
allisian sas dies e su tempus
cun unu limbazu ‘iu
contivizadu che sidhadu ‘e populu
umpare a su pane niedhu
cotu in foghiles mai tudados.
Sas féminas de Olympos
an sos colores de sas istajones
chi mudan pro rinascher a beranu.