E sun chent'e duos Gaspare Mele
de Giuseppe Concas

Gaspare cun fizoso e nebodese
in gioventude chi as'allatadu
in sa terrena fronte sueradu
oe cuntentoso tindhe godese.

Ti sun torrandhe gratzias e lodese
de tantu bene chi as meritadu
torrandhe in parte su chi lis'ar dadu
'onzi die de prus tindhe podese.

Inghiriadu de sos fruttos tuoso
tottu presentes siana a s'appellu
in Orotedhi sa terra nadia.

A ti augurare 'e parte mia
de faghere unu compreannu bellu
prosperu sanu riccu 'e poesia.
________________________
A ocandhu chi 'enidi die mese
auguramus su 'e chentetrese.

Bolotana, 10-03-2013