E’ fazziri a imparallu lu durori
di Gigi Noce

la primma ischurivitta
ti z’entra in chistha vidda cun durori
e poi la primma denti, la casciara minori
lu ginocci imbucciaddu...
e’ fazziri a imparallu lu durori

chissa predda i’ lu coipu
tutta puntudda e niedda
m’ha fatto zicchirrià più d’una chedda
ma dabboi z’è passadda cun primori
era già ischuminzendi a cumprindi
chi...e’ fazziri a imparallu lu durori

m’aggiu ipusghaddu un diddu
truncaddu l’ossu sacru
vint’anni soggu isthaddu in apnea
drummendi cun d-un occi
pa no fammi futtì da chiss’Isthrea
...è fazziri a imparallu lu durori

è mortha mamma, babbu e dabboi tu
...ma eu abia già imparaddu