Disizzo sa poesia
di Salvatore Enne

Oh poetas e bravos iscrittores,
chi sa vena poetica tenides,
a bortas solu sos versos iscrides,
in cumpanzia cantades tenores;

cantones bellas pro tantos amores,
cun metrica perfetta las tessides,
a sos atteros poi las lezzides
e lis ispiegades sos sentores.

Ca est sa poesia una ricchesa,
proade a mi nde dar’appena appena
innanti chi m’arrivet sa ezzesa;

ca su sambene ch’apo in donzi vena,
in su triballu, o sezzid’in sa mesa,
m’ispieghed’a cantare a boghe lena.