Est grassia a cudda Rosa de Soria
chi torrada in Europa est sa cultura
cando fuit gia sa Cresia in era oscura
briva de Fide e de Sabiduria.

 

Su moro chi est pigadu a cobeltura
fattu mos at sas bovedas a vela,
ateru che sos contos de carrela
"po mo ch'ogare sa teracca a fura".

 

Sa Corsica l'at postu in sa bandela,
e battoro nde tenet sa Sardigna
cun rughe rugia in d'una bianca insigna,
ahi…… si podiat faeddare cussa tela!