Dae gianna a gianna

di Benito Saba (2005)

Pipende a fogu a intro su zigarru (*),
che tiradore iscarrascende in terra,
giaju meu ammentaiat sa gherra
cun su 'e nanti 'e domo, tiu Arru.

Sétzidu in su giannile, unu carru
de contos isbarrïende cun perra,
giaju sa cara allutta in sa cuntierra
che rocca teniat chene isgarru:

emmo, a gherrare s'Italia fit bona!
Tiu tronaiat da' gianna sua
fentomende Caporetto (**), abbettiosu.

Giaju, offesu, rispondiat rasposu...
ma iscanzende a mie a s'accua,
sa chiza matrofferi e muitzona.

Benito Saba

(*) Così fumavano i fanti nelle trincee per non essere bersaglio dei cecchini nemici.
(**) La disfatta di C.

Questa poesia ha conseguito la Menzione d'onore al XX CUNCURSU DE POESIA IN LIMBA SARDA F. P. TILOCCA - Setzione Poesias in rima - OSSI - 2005